[BeshoyG]

الف الف شكر .. بس انا حابب اوضح لحضرتك حاجه

# هناك فرق بين الصفقات الاساسيه و الصفقات التعزيزيه

شروط الصفقات الاساسيه
١- الشمعه تغلق خارج خط البولنجر العلوى او السفلى
٢- الاستوكاستيك فى حاله تشبع فوق ال ٨٠ فى صفقات البيع ... و تحت ال ٢٠ فى صفقات الشراء
٣-  تقاطع خطين الاستوكاستيك  ...
٤- كسر الهاى لاخر شمعه صاعدة فى صفقات البيع  ( للشمعات اللى قبل التقاطع فقط ) ... كسر اللو لاخر شمعه هابطه فى صفقات الشراء ( للشمعات اللى قبل التقاطع فقط ) ... اللى هما ال اربع شمعات اللى قبل التقاطع


اما الصفقات التعزيزيه
١- تفتح بضعف اللوت المستخدم فى الاساس
٢- تفتح مرة واحدة فقط عند كل تقاطع لخطين الاستوكاستيك مرة اخرى فى نفس الاتجاه
● ليس شرط ان يكون هناك لو او هاى للشمعات للى قبليها علشان بتعتمد على التقاطع فقط
● تمام زى ما حضرتك قلت تفتح فى الشمعه اللى بعد التقاطع
● تستخدم بنفس الاعدادات اللى مظوبطه على الاكسبرت ( يعنى لو مثلا عامل ال method  : smoothed) يبقى عند كل تقاطع بالنسبه للاعداد المظبوط عليه الاكسبرت

مثال
● اذا فتحت صفقه الاولى ( بالشروط الاساسيه ) لا ننظر بعدها لشروط دخول الصفقه مرة اخرى و بنستنى يا اما الصفقه تغلق عند ملامسه الشمعه خط الوسط للبولنجر .. يا اما لو خط الاستوكاستيك عكس و رجع تانى فى نفس الاتجاه  بنفتح صفقه تعزيزيه بضعف اللوت ( بغض النظر عن اللو او الهاى للشمعه اللى قبليها ) وتستمر الصفقه عادى

انا كدة اقدر اوضح لحضرتك العيب كان فين
▪حضرتك كنت ظابط ان الصفقات التعزيزيه بتعتمد على نفس الشروط الصفقات الاساسيه و لكن ليس عند منطقه التشبع بالنسبه للاستوكاستيك
_يرجى ظبط الصفقات التعزيزيه ان تفتح الصفقات عند تعاود تقاطع خطين الاستوكاستيك  فى نفس الاتجاه مرة اخرى فقط و ليس هناك شروط اخرى .. و تغلق جميع الصفقات المفتوحه عند ملامسه الشمعه خط البولنحر الوسط

[Reda Hegazy]

جرب النسخة الاخيرة فالمفروض انها تمشي مع الشروط في الصفقات الاساسية و الصفقات التعزيزية ما عدا ان اخر نسخة ستلزم مع تقاطع الاستوك ان يتم كسر الهاي واللو واعتقد ان هذا الشرط جيد كسر الهاي واللو لان الاستوك مع الشموع الصغيرة يصنع تقاطعات غير صحيحة ويتم فلترتها قدر الامكان بكسر الهاي واللو .

جرب النسخة الاخيرة و وافيني بالتجربة

[BeshoyG]

تمام .. جارى التجربه

[BeshoyG]

تمام تسلم ايديك ... الاكسبرت تمام و زى الفل .. الاكسبرت يفتح الصفقات الاساسيه بالشروط تمام جداا

بس زى ما قلت لحضرتك الصفقات المضاعفه لو شيلنا منها شرط انها تكسر اللو و الهاى هيبقى افضل
مع اضافه خانه ايضا للصفقات المضاعفه بالنسبه للاستوكاستيك .. الصفقه تدخل مع التقاطع ام الشمعه اللى بعدها ... و اعتقد بعد النقطه دى ان شاء الله الاكسبرت هيكون جاهز للتداول بيه
ارجو شرح جميع الاعدادات للأخوة علشان الاستفادة تعم للجميع

تحياتى لحضرتك

[Reda Hegazy]

مع اضافه خانه ايضا للصفقات المضاعفه بالنسبه للاستوكاستيك .. الصفقه تدخل مع التقاطع ام الشمعه اللى  بعدها ..

طيب ما الخيار ده موجود فعلا بالاعدادات Stoch_candle لو وضعتها 0 هيفتح على شمعه التقاطع و لو 1 هيفتح على الصفقة التالية لشمعه التقاطع

[BeshoyG]

تمام .. اسف لم اراها ... ممكن نلغى شرط اللو و العاى من الصفقات التعزيزيه !
شكرا لحضرتك

[Reda Hegazy]

تم الغاء الهاي و اللو في شروط فتح صفقات التعزيز مع الاستمرار في شرط الهاي واللو في الصفقات الاساسية 

 شرح اعدادات الاكسبرت

   

lot1: حجم اللوت للصفقة الاساسية

max_orders : اقصى عدد من الصفقات المفتوحة

back_candles : عدد الشموع للبحث عن تقاطع الاستوك و شمعه مغلقة خارج البولينجر

take_profit_sotch_candle : الشمعه التي سنعتمد على قيمة الخط الوسط من البولينجر  في التيك بروفت ( 0 الشمعه الحالية , 1 الشمعه السابقة)

Multiblication : حجم المضاعفة للوتات صفقات التعزيز

BBands_settings : اعدادات البولينجر كاملة 

Stochastic settings : اعدادات الاستوك كاملة مع ملاحظة الاعداد التالي هو لشمعه التقاطع
stoch_candle : هو شمعة التقاطع للاستوك ( 0 هو الشمعه الحالية , 1 هو الشمعه السابقة وهكذا )

[BeshoyG]

حضرتك مهندس محترم جداا و مبرمج رائع و زوق الصراحه و انا طولت على حضرتك كتير

الحمد لله الاكسبرت على الباك تيست محقق نتايج روعه
غيرت الاعدادات الى
Back_candled : 6 بدلا من 4
Takeprofit_stoch_candle : 0 بدلا من 1
و لغيت الفلتر
طلع النتيجه لو راس المال 100$ و حجم اللوت 00.01 النتيجه ١٠٠% فى خلال كل سنه
دا المتوسط بالنسبه للعملات و ان شاء الله اكسبرت موفق للجميع ... يوجد بعض العملات تحتاج راس مال اكبر علشان انعكاساتها اكتر لكن كله بالمكاسب الحمد لله

نصيحه ... اعمل باك تيست الاول على العمله المراد المتاحرة بها بالاكسبرت و شوف راس مالك هيقدر يتحمل المضاعفات ولا لأ

فى سؤال ... لو انا عايز الصفقه الاساسيه تفتح بعد تقاطع خطين الاستوكاستيك و ظابط ال stoch_candle : 1
و عايز الصفقات التعزيزيه تفتح وقت التقاطع و متستناش الشمعه اللى بعدها .. اظبط الاعدادات اذاى

[Reda Hegazy]

تم اضافة خيار جديد بالاعدادات stoch_candle_1 وهو الشمعه التي سيفتح عليها الاكسبرت الصفقات التعزيزية لتقاطع مؤشر الاستوك و القيمة 0 ستكون شمعه التقاطع و القيمة 1 سيفتح بعد تأكيد التقاطع مع ملاحظة ان الاستوك قد يزيل التقاطع اذا لم يتأكد فأذا فتحنا في الشمعه 0 فقد تفتح الصفقة وبعد ذلك يزيل الاستوك التقاطع لانه لم يتأكد فأصبح لدينا خياريين يخصو شمعات الاستوك كالتالي :-

stoch_candles : وهي الشمعه التي سيفتح عليها الصفقات الاساسية 

stoch_candles_1 : وهي الشمعه التي سيفتح عليها الصفقات التعزيزية

 بالتوفيق وشاكر لك كلامك الطيب

[BeshoyG]

طلب فلترة و اعدادات مختلفه بالنسبه للصفقات التعزيزيه 
اولا زى ما شرحنا يوجد اختلاف بين الصفقات الاساسيه و الصفقات التعزيزيه من حيث الشروط 
الصفقات الاساسيه هتفضل بنفس الشروط زى ما شرحت قبل كدة
اما الصفقات التعزيزيه هنعتمد  على مؤشر ال CCI و ليس الاستوكاستيك 
■ شروط فتح الصفقات التعزيزيه 
▪ فى صفقات الشراء 
اعادة كسر خط ال CCI ل level -١٠٠ لفوق ( طبعا وقت ما بتفتح الصفقه الاساسيه خط ال CCI بيكسر اول مرة level -١٠٠ و لو عكس بينزل تانى تحت level -١٠٠ ) اول لما بيطلع تانى فوق خط الليفل بنفتح الصفقه بضعف اللوت و ليس عند تكوين الشمعه الجديدة ( وقت كسر خط الليفل ) 

▪فى صفقات البيع 
اعادة كسر خط ال CCI ل level ١٠٠  لتحت ( طبعا وقت ما بتفتح الصفقه الاساسيه خط ال CCI بيكسر اول مرة level ١٠٠ و لو عكس بيطلع تانى لفوق level ١٠٠ ) اول لما بينزل تانى تحت خط الليفل بنفتح الصفقه بضعف اللوت و ليس عند تكوين الشمعه الجديدة ( وقت كسر خط الليفل ) 

يبقى عند كسر خط level ١٠٠ لتحت بنفتح بيع ... و عند كسر خط level -١٠٠ لفوق بنفتح شراء

------------------------
الطلب الثانى
ساعات بيحصل تشبع عكسى ..دا اللى بيخلى الصفقه تعكس ....
بمعنى مثلا لو فى صفقه شراء و خط الاستوكاستيك اقل من ٢٠ و بعدين تكونت عدة شمعات و حصل تشبع عكسى ( خط الاستوكاستيك بقى اعلى من ٨٠ و تم تقاطع الخطين ) غالبا بيحصل عند نقطه دخول الصفقه و بعد كدة بيعكس الصفقه على خسارة
# و لو محصلش التشبع العكسى دة .. الصفقه الى كانت عاكسه بترجع تانى لنقطه الدخول و بكدة مش هتطلع صفقات  خسرانه .. الكلام دة لو مأغلقتش عند خط البولنحر الوسط

شرح بالصور 

     
هنا مثلا هنشوف ان الصفقه فتحت و بعدين عكست و كانت نقطه دخول الصفقه عن
٨١٠٠ ١.١
و لكن محصلش تشبع عكسى بالنسبه للاستوكاستيك 
فهنلاقى ان الصفقه هتوصل لحد نقطه دخول الصفقه 
زى ما موضع فى الصورة الاخرى 
   

# لكن لو تم فتح صفقه اساسيه بالشروط و بعدين حصل تشبع عكسى بالنسبه اللاستوكاستيك نغلق الصفقه فورا و منستناش اغلاق الصفقه عند خط البولنجر الوسط ( عند نفس شمعه تقاطع و ليس الشمعه التاليه ) 

يبقى المطلوب 

١ - تحويل الصفقات التعزيزيه لتعتمد على مؤشر CCI و ليس مؤشر الاستوكاستيك 
٢- الاعتماد على نقطه دخول الصفقه اذا فتحت صفقات تعزيزيه لاغلاق الصفقات و ليس عند خط البولنجر الوسط ( اما لو حصل تشبع عكسى بالنسبه لخط الاستوكاستيك تغلق جميع الصفقات ) ايمها اقرب
# اذا فتحت صفقه اساسيه و حصل تشبع عكسى تغلق الصفقه الاساسيه فورا و طبعا مش هنفتح صفقات تعزيزيه لانه تم غلق الاساسيه

■ معنى التشبع العكسى ... ان الصفقه تكون مفتوحه بتوافر الشروط ( اللى هى منها ان خط الاستوكاستيك فى حاله تشبع و يتم تقاطع الخطين) ..  فأذا عكست و بقى خط الاستوكاستيك فى حاله تشبع على  الخط المقابل و تم تقاطع الخطين 
مثال : فى صفقه شراء يكون خط الاستوكاستيك اقل من ٢٠ و يتم تقاطع الخطين .. فاذا استمرت الصفقه و حدث تقاطع خطين الاستوكاستيك فى حاله تشبع فوق خط ال ٨٠  .. يبقى تشبع عكسى و الصفقه هتعكس
▪يبقى التشبع العكسى يبقى عند تقاطع الخطين بعد وصلولهم لخطوط التشبع level  ٢٠ او ٨٠   ليس عند وصلولهم ل ال level المعاكس  ( وقت تقاطع الخطين فى الناحيه العكسيه للصفقه )
تحياتى لحضرتك

---

صورة من الشارت توضح التشبع العكسى
   

هنا هنلاقى ان الصفقه فتحت و كان خط الاستوكاستيك اقل من ٢٠ فى حاله تشبع و تم تقاطع الخطين ....
بعدين هنلاقى خط الاستوكاستيك بقى اعلى من ٨٠ و تم تقاطع الخطين .. هنا المفروض تغلق الصفقه زى ما تم شرحه من قبل