تجربتي مع بنك Dukascopy - نسخة قابلة للطباعة +- منتديات افهم فوركس (https://afham-forex.com/fx) +-- قسم : شركات الفوركس (https://afham-forex.com/fx/forumdisplay.php?fid=6) +--- قسم : تقييم شركات الفوركس (https://afham-forex.com/fx/forumdisplay.php?fid=8) +--- الموضوع : تجربتي مع بنك Dukascopy (/showthread.php?tid=92)

تجربتي مع بنك Dukascopy - Reda Hegazy - 12-13-2018 www.dukascopy.com من اول ما عرفت الفوركس وانا نفسي افتح حساب في بنك دوكاسكوبي لكن للاسف مكنش عندهم منصة MT4 و انا كل شغلي باكسبرتات و مش هتمشي مع منصتهم JFOREX و في يوم من الايام جالي ايميل منهم انهم فتحو عندهم منصة ميتاتريدر4 قولت هوه ده رحت رايح عندهم و فاتح حساب  اجراءات فتح الحساب عندهم حاجة حلوة تليق ببنك بتحمل برنامج على الموبيل و بعيدين تتصل عليك خواجايه بترطن بالانجليزي   و تشغل الكاميرا و تقعد تقولك لف جواز السفر يمين لا شمال يمين شوية شمال شوية و بعدين تشغل الكاميرا الامامية للموبيل و تاخدلك كام صورة و تم تفعيل الحساب مش بيدولك رقم الحساب ولا الباسورد غير لما تودع الاموال الاول وبعد الايداع بيرسلو ليك رقم الحساب و الباسورد لحد كده تمام وزي الفل   شغلت المنصة مفيش على المنصة غير الازواج الرئيسية والدهب والفضة بس باقي العملات و المعادن والسلع و غيره مش موجود قولت مش مشكلة وماله نشتغل بس على الازواج الرئيسية والدهب كفاية مع اني بحب اتاجر على عملة جنوب افريقيا بعمل منها ارباح كويس طيب الاسبريد و الكوميشن ايه حكايتهم عندهم لقيتهم عادي يعني مفيش فرق بينهم وبين الشركات يعني مثلا GBPUSD فتحت صفقة لوت اخدو كومشن لوحده 10.82 و اسبريد 10 يعني وقف عليا الاسبريد والكوميشن اكتر من نقطتين . فتحت منطقة العميل عشان احول حسابي لحساب اسلامي لان الصفقات عندي في العادة بتطول بتاخد ايام عشان اقفلها ملقتش اي حاجة في منطقة العميل بخصوص الحساب الاسلامي . ارسلت ليهم ايميل يا جماعة الخير انا عاوز احول حسابي لحساب اسلامي قاولي لا مفيش لحسابات الميتاتريدر حسابات اسلامية هنا بقى رديت عليهم وقولتلهم الصراحة انا اتورط معاكم انا دفعت عمولات بس فوق ال 200 دولار عشان اسحب جزء من حسابي من الشركة اللي حسابي فيها على البنك و من البنك ارسلها لكم بتحويل بنكي و بعد كل ده لا في ازواج و لا حتى في حسابات اسلامية و اضطريت اني اكمل معاهم لحد ما عملت ارباح العمولات اللي دفعتها  فا لو مش عاوز تفتح حساب اسلامي و بتشتغل على الازواج الرئيسية فقط فهي كويسة و حاجة شيك كده ان حسابك يكون في بنك  RE: تجربتي مع بنك Dukascopy - علاء الدين - 12-13-2018 والله يا استاذنا انا زي حالاتك ونفسي افتح عندهم حساب بس كويس انك نورتني انهم معندهمش حسابات إسلامية كده خلاص اخليني مع شركتي تعتبر افضل